Årets haustprogram er kanskje det sterkaste som nokon gong har vore presentert på Sjøborg kulturhus. Heilt spesielt er det nok at legendariske grupper som amerikanske The Manhatten Transfer og engelske 10 cc kjem til Sjøborg og Sunnmøre denne hausten.
 |
Fredag 17.september, er det klart for legendariske 10cc. Gruppa har eksistert sidan 70 talet og produserte i si tid hits på løpande band. Hovudpersonane i bandet Graham Gouldman, Rick Fenn og Mick Wilson, er still going strong. Hovudmannen i 10 cc er bassist Graham Goldmann. Han har i tillegg til 10 cc hatt ei solokarriere, og har stått bak heile fem UK No 1 hits. Gitarist Rick Fenn har vore med i gruppa sidan 1976. Fenn har i desse åra også samarbeidd kremen av britiske artistar som Rick Wakeman, Cliff Richard, David Gilmore m.fl. På trommer får vi møte Paul Burgess som også har vore med i bandet sidan 1976. I tillegg til 10cc har Burgess også vore med i grupper som Jethro Tull og Camel.
Over 30 millionar selde album, seier det litt om gruppas enorme popularitet for nokre år tilbake. Alle som finn vegen til Sjøborg denne kvelden vil få høyre kjente låtar som m.a. Dreadlock Holiday, Things we do for Love, Wall Street Shuffle og I'm not in Love.
-----------------------------------------------------------------------------------------------------------------------------
Så er det etter alt å døme klart for hausten sin største attraksjon. Torsdag 11. november handlar det om den amerikanske vokalgruppa The Manhattan Transfer. Gruppa var ein av hovudattraksjonane på Molde Jazz i 1987 og har m.a. anna motteke fleire Grammy award prisar for sine album. The Manhatten Transfer har nylig gitt ut sitt 29 album, ?The Chick Corea songbook? og kjem på Europaturne saman med sitt faste fire manns band samansett av Yaron Gershovsky piano, Adam Hawley gitar, Gary Wicks bass og Steve Hass trommer. Ulsteinvik er eit av seks stopp i Skandinavia. Det vert truleg sett opp to konsertar denne kvelden, men dette er enno ikkje heilt avklara. Billettsalet til denne konserten startar truleg i månadsskifte august/ september.
 |